Pyetje të shpeshta
Pyetje të shpeshta
Përgjigjet më të kërkuara nga pronarë, qiramarrës dhe agjensi.
Sa kushton të publikoj një pronë në Zgjedhja Ime? ▾
0 €. Si pronar privat, publikimi është falas dhe pa komision. Ne përfitojmë vetëm kur agjensitë partnere mbyllin një marrëveshje me klientët tanë.
A keni pronare të verifikuara? ▾
Po. Çdo pronë e publikuar nga pronar privat shqyrtohet nga operatori ynë para se të dalë publikisht. Verifikojmë identitetin, telefonin dhe që prona ekziston në adresën e deklaruar.
Si i kontaktoj pronarët e shpalljeve? ▾
Ju dërgoni një kërkesë te ne nëpërmjet faqes së pronës. Operatori ynë kontakton pronarin dhe organizon vizitën. Numri direkt i pronarit nuk publikohet — kjo është mbrojtja kryesore për të dhënat e tij.
Sa shpejt më kontaktoni pas kërkesës? ▾
Brenda 24 orëve, zakonisht shumë më shpejt gjatë orëve të zyrës (09:00–19:00, e hënë–e shtunë). Për kërkesa urgjente, përdorni butonin WhatsApp për përgjigje të menjëhershme.
A duhet të krijoj llogari për të kërkuar? ▾
Jo. Shfletimi i shpalljeve, përdorimi i hartës dhe filtrave është plotësisht anonim. Llogaria nevojitet vetëm nëse doni të ruani shtëpi të preferuara ose të aktivizoni njoftime për kërkim të ruajtur.
Cilat zona mbulon platforma? ▾
Tiranë — vetëm qira. Mbulojmë të gjitha zonat e Tiranës, përfshirë Bllok, Komuna e Parisit, Don Bosko, 21 Dhjetori, Ali Demi, Kombinat, Astir, Yzberisht, Liqeni i Thatë dhe periferinë. Pa kosto shtesë për pronarë privatë.
Si funksionon shërbimi për agjensi partnere? ▾
Bashkëpunojmë rast pas rasti: ne sjellim qiramarrësin, ju sillni pronën. Pa tarifë fikse dhe pa kontratë platforme — tarifa për çdo marrëveshje bihet dakord me shkrim mes nesh, rast pas rasti. Aplikoni te brokerage.
Si i mbroni të dhënat e mia personale? ▾
Të dhënat tuaja (telefon, email) nuk ndahen kurrë publikisht. Nuk shitet asnjë informacion te palë të treta. Detajet ruhen të enkriptuara dhe mund të kërkoni fshirjen e tyre në çdo moment në politikën e privatësisë.
A mund të raportoj një shpallje të rreme? ▾
Po. Në çdo faqe shpalljeje gjeni butonin 🚩 Raporto këtë shpallje. Operatori shqyrton raportin brenda 24 orëve dhe heq shpalljen nëse konfirmohet si e rreme. Raportet janë anonime.
A ofroni shërbim për blerje/shitje, jo vetëm qira? ▾
Aktualisht fokusi është qiraja. Shpalljet për shitje pranohen përmes seksionit brokerage, ku vetëm agjensi partnere i menaxhojnë.
